ଭଦ୍ରକ,ଏନ୍ଏନ୍ଏସ୍: ବସକୁ ଧକ୍କା ଦେଇ ରାସ୍ତା କଡକୁ ଓଲଟିଲା ଯାତ୍ରୀବାହୀ ବସ୍। ଏଥିରେ ୬ ଜଣ ଗୁରୁତର ଭାବେ ଆହତ ହୋଇଛନ୍ତି। ତେବେ ବସଟି ୨୫ ଜଣ ଯାତ୍ରୀଙ୍କୁ ଧରି ଯାଉଥିଲା। ଭଦ୍ରକ-ଧାମନଗର ରାସ୍ତାର ପାଳିକିରି ଛକ ନିକଟରେ ବସଟି ଦୁର୍ଘଟଣା ହୋଇଛି।
ସୂଚନା ଅନୁସାରେ, ଓଁ ମା ନାମକ ବସଟି ଧାମନଗରରୁ ଭୁବନେଶ୍ୱର ଯିବା ବଙ୍କଳ ପଳିକିରି ଛକ ନିକଟରେ ଏକ ଗୋରୁକୁ ଧକ୍କା ଦେଇଥିଲା। ଫଳରେ ବସଟି ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା।
ତେବେ ବସରେ ୨୫ରୁ ଅଧିକ ଯାତ୍ରୀ ଯାଉଥିବା ବେଳେ ୬ ଜଣ ଗୁରୁତର ଭାବେ ଆହତ ହୋଇଛନ୍ତି। ସ୍ଥାନୀୟ ଲୋକେ ଗୁରୁତରଙ୍କୁ ଉଦ୍ଧାର କରି ଧାମନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଛନ୍ତି। ସେପଟେ ବସ ଧକ୍କା ଦେଇଥିବା ଗୋରୁଟିର ମୃତ୍ୟୁ ହୋଇଛି।
