ମାଲକାନଗିରି,ଏନ୍ଏନ୍ଏସ୍: ୪୨୦ କିଲୋର ଗଞ୍ଜେଇ ଚାଲାଣ କାରବାରରେ ଏସ୍ଆଇ ଙ୍କ ସମ୍ପୃକ୍ତି ଥିବା ପରେ ଗିରଫ ହେଲେ ଏସ୍ଆଇ। ମାଥିଲି ଥାନା ଅଧିନ କର୍ତ୍ତନପାଳୀରେ କାର୍ଯ୍ୟରତ ଏସ୍ଆଇ ଜୟଦାଶ ଖରା ଗିରଫ ହୋଇଛନ୍ତି। କେବଳ ସେ ଏକା ନୁହେଁ ତାଙ୍କ ସହ ଆଉ ୩ ଜଣ ଗଞ୍ଜେଇ ମାଫିଆ ମଧ୍ୟ ଗିରଫ ହୋଇଛନ୍ତି।
ପଡ଼ୋଶୀ ରାଜ୍ୟକୁ ଗଞ୍ଜେଇ ଚାଲାଣ ପାଇଁ ଏସ୍ଆଇ ସହଯୋଗ କରୁଥିବାର ଅଭିଯୋଗ ହୋଇଥିଲା। ପରେ ମାଲକାନଗିରି ପୁଲିସ ସ୍କ୍ୱାର୍ଡ଼ ଗଠନ କରି ତଦନ୍ତ କରିବା ପରେ ସମ୍ପୃକ୍ତ ମାଫିଆଙ୍କ ଠାରୁ ୪୨୦ କିଲୋର ଗଞ୍ଜେଇ ,ନଗଦ ୧୦ ହଜାର ଟଙ୍କା, ଗୋଟିଏ ଲାପଟାପ୍,ଗୋଟିଏ କାର ,ଦୁଇଟି ବାଇକ୍ ଏବଂ ମୋବାଇଲ୍ ଜବତ କରାଯାଇଛି।
