କୋରାପୁଟ,ଏନ୍ଏନ୍ଏସ୍: କୋରାପୁଟ ଜିଲ୍ଲାରେ ୯୨ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିସହିତ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୨,୦୭୭କୁ ବୃଦ୍ଧି ପାଇଥିବା ନେଇ ଜିଲ୍ଲାପାଳ ମଧୁସୂଦନ ମିଶ୍ର ଗଣମାଧ୍ୟମକୁ ସୂଚନା ଦେଇଛନ୍ତି।
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ କୋରାପୁଟ ଓ ଜୟପୁର ପୌରାଞ୍ଚଳରୁ ୨୩ ଲେଖାଏଁ, ବନ୍ଧୁଗାଁ ବ୍ଲକରୁ ୫, ନାରାୟଣପାଟଣା ବ୍ଲକରୁ ୧୩, ସୁନାବେଡ଼ା ପୌରାଞ୍ଚଳରୁ ୧୧, କୋରାପୁଟ ବ୍ଲକରୁ ୨ଜଣ ରହିଛନ୍ତି। ସେହିପରି ବୋରିଗୁମ୍ମାର ପାରସୋଲା, ଦଶମନ୍ତପୁରର ଚାଟାମ୍ବ, ଜୟପୁର ବ୍ଲକର ସୁନାରିଗୁଡ଼ା, କୋଟପାଡ଼ ବ୍ଲକର ଗିରଲା, ଲମତାପୁଟର ବାଲେଲ୍, ନନ୍ଦପୁର ବ୍ଲକ୍ ପାଡୁଆ ଥାନା, ସେମିଲିଗୁଡ଼ା ବ୍ଲକ୍ ପୁଟୁସିଲ ଗ୍ରାମରୁ ଜଣେ ଲେଖାଏଁ କରୋନାରେ ସଂକ୍ରମିତ ହୋଇଛନ୍ତି।
