ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଆଉ ୮୩୫ଜଣ କରୋନା ରୋଗୀ ଆରୋଗ୍ୟ ଲାଭ କରିଛନ୍ତି। ଫଳରେ ମୋଟ ସୁସ୍ଥସଂଖ୍ୟା ୯ଲକ୍ଷ ୯୫ହଜାର ୪୭୪କୁ ବୃଦ୍ଧି ପାଇଛି। ଏନେଇ ଭୁବନେଶ୍ୱର ମହାନଗର ନିଗମ ପକ୍ଷରୁ ସୂଚନା ଦିଆଯାଇଛି।
ଆଜି ସୁସ୍ଥ ହୋଇଥିବା କରୋନା ରୋଗୀଙ୍କ ମଧ୍ୟରେ ଖୋର୍ଦ୍ଧାରୁ ସର୍ବାଧିକ ୩୧୨, କଟକରୁ ୧୨୦, ଷ୍ଟେଟପୋଲରୁ ୬୯, ବାଲେଶ୍ୱରରୁ ୫୦, ଯାଜପୁରରୁ ୪୩, ଜଗତସିଂହପୁରରୁ ୩୫, କେନ୍ଦ୍ରାପଡ଼ାରୁ ୨୮, ମୟୁରଭଞ୍ଜରୁ ୨୬, ନୟାଗଡ଼ରୁ ୨୨, ପୁରୀରୁ ୨୦, ଅନୁଗୁଳ ଓ ସମ୍ବଲପୁରରୁ ୧୮ ଲେଖାଏଁ, କେଉଁଝରରୁ ୧୬ ଓ ଦେଓଗଡ଼ ଜିଲ୍ଲାରୁ ୧୨ଜଣ ରହିଛନ୍ତି। ସେହିପରି ବରଗଡ଼ ଓ ଭଦ୍ରକରୁ ୯ ଲେଖାଏଁ, ସୁନ୍ଦରଗଡ଼ରୁ ୭, ଢେଙ୍କାନାଳରୁ ୬, ଗଞ୍ଜାମରୁ ୪, କୋରାପୁଟ ଓ ରାୟଗଡ଼ାରୁ ୩ ଲେଖାଏଁ, ମାଲକାନଗିରିରୁ ୨, କଳାହାଣ୍ଡି, କନ୍ଧମାଳ ଓ ନୂଆପଡ଼ାରୁ ଜଣେ ଲେଖାଏଁ ରହିଛନ୍ତି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା ୧୦ଲକ୍ଷ ୧୦ହଜାର ୭୨ ହୋଇଥିବାବେଳେ ୯ଲକ୍ଷ ୯୫ହଜାର ୪୭୪ଜଣ ସୁସ୍ଥ ହୋଇଛନ୍ତି। ଅନ୍ୟପଟେ ୮ହଜାର ୩୫ ଜଣଙ୍କର ମୃତ୍ୟୁ ଘଟିଛି ଓ ୬ହଜାର ୫୧୦ଜଣ ଚିକିତ୍ସିତ ହେଉଛନ୍ତି।
