ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଆଉ ୮୦୧ କରୋନା ରୋଗୀ ଆରୋଗ୍ୟ ଲାଭ କରିଛନ୍ତି। ଫଳରେ ମୋଟ ସୁସ୍ଥସଂଖ୍ୟା ୯ଲକ୍ଷ ୯୮ହଜାର ୫୯୧କୁ ବୃଦ୍ଧି ପାଇଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
ଆଜି ସୁସ୍ଥ ହୋଇଥିବା କରୋନା ରୋଗୀଙ୍କ ମଧ୍ୟରେ ଖୋର୍ଦ୍ଧାରୁ ସର୍ବାଧିକ ୩୫୬, ଷ୍ଟେଟପୋଲରୁ ୭୮, କଟକରୁ ୬୫, ବାଲେଶ୍ୱରରୁ ୫୯, ଯାଜପୁରରୁ ୩୨, ମୟୁରଭଞ୍ଜରୁ ୨୬, କେନ୍ଦ୍ରାପଡ଼ାରୁ ୨୧, ପୁରୀରୁ ୧୯, ଅନୁଗୁଳ ଓ ଜଗତସିଂହପୁରରୁ ୧୮ ଲେଖାଏଁ, ସୁନ୍ଦରଗଡ଼ରୁ ୧୬, ଢେଙ୍କାନାଳରୁ ୧୨, ଦେଓଗଡ଼ ଓ ନୟାଗଡ଼ରୁ ୧୧ ଲେଖାଏଁ ରହିଛନ୍ତି। ଝାରସୁଗୁଡ଼ା ଓ ସମ୍ବଲପୁରରୁ ୭ ଲେଖାଏଁ, ଭଦ୍ରକରୁ ୬, ବୌଦ୍ଧ, ଗଞ୍ଜାମ, କେଉଁଝର ଓ ରାୟଗଡ଼ାରୁ ୫ ଲେଖାଏଁ, ବରଗଡ଼, କଳହାଣ୍ଡି, କନ୍ଧମାଳ ଓ କୋରାପୁଟରୁ ୩ ଲେଖାଏଁ, ଗଜପତି, ମାଲକାନଗିରି ଓ ନୂଆପଡ଼ାରୁ ୨ ଲେଖାଏଁ ଓ ବଲାଙ୍ଗିରରୁ ଜଣେ ରହିଥିବା ଜଣାପଡ଼ିଛି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା ୧୦ଲକ୍ଷ ୧୨ହଜାର ୮୦୫ ହୋଇଥିବାବେଳେ ୯ଲକ୍ଷ ୯୮ହଜାର ୫୯୧ଜଣ ସୁସ୍ଥ ହୋଇଛନ୍ତି। ଅନ୍ୟପଟେ ୮ହଜାର ୬୨ ଜଣଙ୍କର ମୃତ୍ୟୁ ଘଟିଛି ଓ ୬ହଜାର ୧୫୨ଜଣ ଚିକିତ୍ସିତ ହେଉଛନ୍ତି।
