ରାୟଗଡ଼ା,ଏନ୍ଏନ୍ଏସ୍: ରାୟଗଡ଼ା ଜିଲ୍ଲାରେ ୮୦ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ୪୦ ଜଣ ପୁରୁଷ ଏବଂ ୪୦ ଜଣ ମହିଳା ରହିଛନ୍ତି । ଫଳରେ ମୋଟ କରୋନ ଆକ୍ରାନ୍ତଙ୍କ ସଂଖ୍ୟା ୬,୩୮୧କୁ ବୃଦ୍ଧି ପାଇଛି।
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ କଲୋନରାରୁ ୩୪, ମୁନିଗୁଡାରୁ ୧୪, କଲ୍ୟାଣସିଂହପୁରରୁ ୮, ବିଷମକଟକରୁ ୧୩, ଗୁଣପୁର ପୌରାଚଂଳରୁ ୪, ରାୟଗଡ଼ା ଓ ଗୁଣପୁର ଗ୍ରାମାଞ୍ଚଳରୁ ୩ ଲେଖାଏଁ , କାଶିପୁର ଓ ପଦ୍ମପୁରରୁ ଜଣେ ଲେଖାଏଁ ରହିଛନ୍ତି। ସମ୍ପୃକ୍ତ ଆକ୍ରାନ୍ତଙ୍କ ମଧ୍ୟରେ ୯ଜଣ କରୋନା ଯୋଦ୍ଧା ରହିଛନ୍ତି। ଏଥିସହିତ ୬୭୧ ଜଣ କୋରନା ଯୋଦ୍ଧା କରୋନାରେ ସଂକ୍ରମିତ ହୋଇଛନ୍ତି।
ସୂଚନାଯୋଗ୍ୟ, ଜିଲ୍ଲାରେ ବର୍ତ୍ତମାନ ସୁଦ୍ଧା ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୬,୩୮୧ ହୋଇଥିବାବେଳେ ୫,୬୨୬ ଜଣ ସୁସ୍ଥ ହୋଇଛନ୍ତି। ସେହିପରି ୩୪ ଜଣଙ୍କର ମୃତ୍ୟୁ ଘଟିଛି ଓ ୭୨୧ ଜଣଙ୍କ ଚିକିତ୍ସା ଜାରି ରହିଛି।
