ଫିରିଙ୍ଗିଆ,ଏନ୍ଏନ୍ଏସ୍: ଫିରିଙ୍ଗିଆ ବ୍ଲକର ଟେଲାପାଲି ଗାଁରୁ ଫିରିଙ୍ଗିଆ ପୁଲିସ ୭୦ କେଜି ୮୦୦ ଗ୍ରାମ ଗଞ୍ଜେଇ ଓ ସ୍କର୍ପିଓ ଗାଡ଼ି ଜବତ କରିବା ସହ ୩ ଜଣଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ଫିରିଙ୍ଗିଆ ଥାନା ସରୁକୋଇ ଗାଁର ହରିହର ସାହାଣୀ, ମିଥୁନ ସାହାଣୀ ଓ ବବୃ ବାହାନ ସାହାଣୀ । ମିଳିଥିବା ରିପୋର୍ଟ ମୁତାବକ, ଫିରିଙ୍ଗିଆ ଥାନା ପୁଲିସ ପେଟ୍ରାଲିଂ କରୁଥିବା ସମୟରେ ଫିରିଙ୍ଗିଆରୁ ଫୁଲବାଣୀ ଦେଇ ଯାଉଥିବା ଟେଲାପାଲି ଗାଁ ରାସ୍ତାରେ ଗୋଟିଏ ସ୍କର୍ପିଓ ଗାଡ଼ିକୁ ଅଟକାଇ ଯାଞ୍ଚ କରିଥିଲା । ଗାଡ଼ିରୁ ଗଞ୍ଜେଇ ମିଳିବା ପରେ ସେଥିରେ ବସିଥିବା ୩ ଜଣଙ୍କୁ ଅଟକ ରଖିଥିଲା । ଜେରା ସମୟରେ ଫିରିଙ୍ଗିଆ ଅଞ୍ଚଳରୁ ଭୁବନେଶ୍ୱର ଗଞ୍ଜେଇ ଚାଲାଣ ହେଉଥିବା ଜଣାପଡ଼ିଛି । ତେବେ ଫିରିଙ୍ଗିଆ ଥାନାରେ ଗଞ୍ଜେଇ ଚାଲାଣ ସଂକ୍ରାନ୍ତରେ ଏକ ମାମଲା ରୁଜୁ କରିବା ସହ ୩ ମାଫିଆଙ୍କୁ କୋର୍ଟ ଚାଲାଣ କରିଥିବା ନେଇ ଫିରିଙ୍ଗିଆ ଥାନାଧିକାରୀ ତପନ କୁମାର ନାହାକ ସୂଚନା ଦେଇଛନ୍ତି ।
