ବାରାଣସୀ,ଏଜେନ୍ସି: କରୋନା ଭୂତାଣୁ ବର୍ତ୍ତମାନ କରୋନା ଯୋଦ୍ଧାଙ୍କ ଠାରେ ବ୍ୟାପିବାରେ ଲାଗିଛି। ଏହି ପରିପ୍ରେକ୍ଷୀରେ ବାରାଣସୀରେ ୮ ଜଣ କରୋନା ଭାଇରସ ପଜିଟିଭ ଚିହ୍ନଟ ହୋଇଛନ୍ତି। ସେଥିରେ ୭ ଜଣ ହେଉଛନ୍ତି ପୁଲିସ କର୍ମୀ। ଏମାନେ ସମସ୍ତେ ଗୋଟିଏ ଫାଣ୍ଡିରେ ମୁତୟନ ଥିଲେ। କିଛି ଦିନ ପୂର୍ବରୁ କରୋନା ଲକ୍ଷଣ ଦେଖାଯିବା ପରେ ସମସ୍ତଙ୍କୁ ଏକ କ୍ୱାରେଣ୍ଟାଇନରେ ରଖାଯାଇଥିଲା। ଏବେ ସେମାନଙ୍କର ନମୁନା ରିପୋର୍ଟ ପଜିଟଭ ଆସିଛି। ଏଥି ସହିତ ଆଉ ଜଣେ ବ୍ୟକ୍ତି ମଧ୍ୟ କରୋନା ପଜିଟିଭ ଚିହ୍ନଟ ହୋଇଛନ୍ତି।
ସବୁଠାରୁ ବଡ଼ କଥା ହେଲା ଯେ, ଏସଏସପି କ୍ୱାରେଣ୍ଟାଇନକୁ ଯାଇଥିବା ସମସ୍ତ ପୁଲିସ କର୍ମୀ ଠିକ ହେବା ଓ କୌଣସି ବ୍ୟକ୍ତିଙ୍କ ଠାରେ ଲକ୍ଷଣ ଦେଖାଯାଉ ନାହିଁ ବୋଲି କହିଥିଲେ। ଉତ୍ତର ପ୍ରଦେଶରେ ଏକକାଳୀନ ୭ ଜଣ ପୁଲିସ କର୍ମୀ କରୋନା ପଜିଟିଭ ଚିହ୍ନଟ ହେବା ପ୍ରଥମ ଘଟଣା। ସେମାନେ ସିଗରା ଥାନା ଅନ୍ତର୍ଗତ ନଗର ନିଗମ ପୁଲିସ ଫାଣ୍ଡିରେ ମୁତୟନ ଥିଲେ।
