ସଇଁନ୍ତଳା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଳା ବ୍ଲକ ଗଣ୍ଡପତ୍ରାପାଳି ପଞ୍ଚାୟତସ୍ଥିତ ବଡ଼ମାଲ ଗୋଳାବାରୁଦ କାରଖାନା ନିକଟ ପୁରୁଣା ଉଚ୍ଚ ବିଦ୍ୟାଳୟଠାରେ ଏକ ବଡ଼ ଅଜଗର ସାପ ଉଦ୍ଧାର କରାଯାଇ ଜଙ୍ଗଲରେ ଛାଡ଼ି ଦିଆଯାଇଛି। ମିଳିଥିବା ରିପୋର୍ଟ ମୁତାବକ, ଗତକାଲି ରାତି ପ୍ରାୟ ୧୧ଟା ସମୟରେ ସ୍କୁଲରେ ସାପ ଥିବା ଖବର ପାଇବା ପରେ ସାପ ଧରାଳି ବିଶ୍ୱଜିତ ତାଣ୍ଡି ଉଦ୍ଧାର କରିଥିଲେ। ସାପର ଲମ୍ବ ପ୍ରାୟ ୬ରୁ ୭ଫୁଟ ହେବ ବୋଲି ଜଣାପଡ଼ିଛି। ତେବେ ସାପକୁ ଉଦ୍ଧାର କରି ଜଙ୍ଗଲରେ ଛାଡ଼ି ଦିଆଯାଇଥିବା ବିଶ୍ଵଜିତ ତାଣ୍ଡି ପ୍ରକାଶ କରିଛନ୍ତି।
