ବଲାଙ୍ଗୀର,ଏନ୍ଏନ୍ଏସ୍: ବଲାଙ୍ଗୀର ଜିଲ୍ଲାରେ ଆଜି ୭ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଚିହ୍ନଟ ହୋଇଥିବା ୭ ଜଣ କରୋନା ଆକ୍ରାନ୍ତଙ୍କ ମଧ୍ୟରୁ ଲୋଇସିଂହା ବ୍ଲକ ବୁଢୀବଦର ପଂଚାୟତର ଜଣେ ଯିଏକି ସୁରତ ଫେରନ୍ତା, ବଙ୍ଗୋମୁଣ୍ଡା ବ୍ଲକ ସିନେ୍ଧକେଲା ପଂଚାୟତର ଜଣେ ଯିଏକି ମୁମ୍ବାଇ ଫେରନ୍ତା, ଆଗଲପୁର ବ୍ଲକ ଇଙ୍ଗସା ପଂଚାୟତର ଜଣେ ଯିଏକି ଆନ୍ଧ୍ରପ୍ରଦେଶ ଫେରନ୍ତା, ଆଗଲପୁର ବ୍ଲକ ଭରସୁଜା ପଂଚାୟତର ଜଣେ, ଯିଏକି ଦିଲ୍ଲୀ ଫେରନ୍ତା ରହିଛନ୍ତି। ସେହିପରି ସଇଁନ୍ତଲା ବ୍ଲକ ସିସକେଲା ପଂଚାୟତର ଦୁଇ ଜଣ ଯେଉଁମାନେ କି ମୁମ୍ବାଇ ଓ ବିଲାସପୁର ଫେରନ୍ତା ଓ ମୁରୀବାହାଲ ବ୍ଲକ ପତ୍ରାପାଲି ପଂଚାୟତର ଜଣେ ଯିଏକି ମୁମ୍ବାଇ ଫେରନ୍ତା ବୋଲି ଜଣାପଡ଼ିଛି। ଏମାନେ ସମସ୍ତେ ବାହାର ରାଜ୍ୟରୁ ଫେରିବା ପରେ କ୍ୱାରେଣ୍ଟାଇନ ସେଣ୍ଟରରେ ଥିଲେ। ସମ୍ପୃକ୍ତ ଆକ୍ରାନ୍ତଙ୍କୁ ସମସ୍ତଙ୍କ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିବା ପ୍ରଶାସନ ତରଫରୁ କୁହାଯାଇଛି।
ସୂଚନାଯୋଗ୍ୟ ଯେ, ଆଜି ୭ ଜଣ କରୋନା ପଜିଟିଭ ଚିହ୍ନଟ ହେବା ପରେ ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା୧୬ ରେ ପହଂଚିଛି । ସେମାନଙ୍କୁ ମଧ୍ୟରୁ ୨ ଜଣ ସୁସ୍ଥ ହୋଇ ଘରକୁ ଫେରିଥିବାବେଳେ ୧୪ ଜଣ ଚିକିତ୍ସାଧୀନ ଅଛନ୍ତି।
