ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଆଉ ୬୭ ନୂତନ କରୋନା ରୋଗୀ ଚିହ୍ନଟ ହୋଇଛନ୍ତି। ଏ ନେଇ ରାଜ୍ୟ ସ୍ୱାସ୍ଥ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ୬୭ ନୂତନ କରୋନା ଆକ୍ରାନ୍ତ ରୋଗୀଙ୍କୁ ମିଶାଇ ରାଜ୍ୟରେ ମୋଟ କରୋନା ସଂକ୍ରମିତ ରୋଗୀଙ୍କ ସଂଖ୍ୟା ୧୬୬୦ ରେ ପହଁଞ୍ଚିଛି।
ସେମାନଙ୍କ ମଧ୍ୟରେ ଗଞ୍ଜାମରୁ ୨୬ ଜଣ, ଯାଜପୁରରୁ ୧୧ ଜଣ, ଖୋର୍ଦ୍ଧାରୁ ୧୧ ଜଣ, ନୟାଗଡ଼ରୁ ୭ ଜଣ, ବଲାଙ୍ଗିରରୁ ୨ ଜଣ, ଜଗତସିଂହପୁରରୁ ୨ ଜଣ, କେନ୍ଦୁଝରରୁ ଜଣେ, ସମ୍ବଲପୁରରୁ ୨ଜଣ, ସୋନପୁରରୁ ୪ ଜଣ ଓ ବରଗଡ଼ରୁ ଜଣେ ଚିହ୍ନଟ ହୋଇଛନ୍ତି। ଏଥିରେ ୬୫ ଜଣ କ୍ୱାରେଣ୍ଟାଇନ ସେଣ୍ଟରର ହୋଇଥିବା ବେଳେ ୨ ଜଣ ସାଧାରଣରେ ରହିଛନ୍ତି।
ସେହିପରି ରାଜ୍ୟରେ ବର୍ତ୍ତମାନ ସୁଦ୍ଧା କରୋନା ଆକ୍ଟିଭ କେସ୍ ୮୪୧ ରହିଥିବା ବେଳେ ୮୧୨ ଜଣ ସୁସ୍ଥ ହୋଇଛନ୍ତି।
