ବଲାଙ୍ଗିର,ଏନ୍ଏନ୍ଏସ୍: ସ୍ଥାନୀୟ ଏନ୍ଏଚ୍ଏମ୍ ସମ୍ମିଳନୀ କକ୍ଷ ସିଡିଏମ୍ ଏବଂ ପିଏଚଓ କାର୍ଯ୍ୟାଳୟ ପରିସରରେ ଓପ୍ମା ବଲାଙ୍ଗିର ଶାଖା ତରଫରୁ ୬୧ତମ ଜାତୀୟ ଫାର୍ମାସୀ ସପ୍ତାହ ପାଳିତ ହୋଇଯାଇଛି । ଏହି ଅବସରରେ ଓପ୍ମା ବଲାଙ୍ଗିର ଶାଖାରେ ନିର୍ବାଚନ ମାଧ୍ୟମରେ ନୂତନ ପରିଚାଳନା କମିଟି ମଧ୍ୟ ଗଠନ କରାଯାଇଛି । ଉକ୍ତ କାର୍ଯ୍ୟକ୍ରମରେ ବଲାଙ୍ଗିରରେ କାର୍ଯ୍ୟରତ ମୋଟ ୯୪ ଫାର୍ମାସିଷ୍ଟ ଯୋଗ ଦେଇଥିଲେ । ନୂତନ ପରିଚାଳନା କମିଟିରେ ସଭାପତିଭାବେ ଶେଷରାମ କେଶରୀ ପ୍ରଧାନ, ସାଧାରଣ ସମ୍ପାଦକ ରାଧାମାଧବ ମିଶ୍ର, ଉପସଭାପତି ହୃଦାନନ୍ଦ ମେହେର, କୋଷାଧ୍ୟକ୍ଷ ବିକାଶ କୁମାର ପଟେଲ, ଯୁଗ୍ମ ସଂପାଦକ ସରୋଜ କୁମାର ସାହୁ, ଅମିତ ମିଶ୍ର, ସାଂଗଠାନିକ ସମ୍ପାଦକ ଜୟକୃଷ୍ଣ ମିଶ୍ର, ମଣ୍ଡଳୀୟ ସମ୍ପାଦକ ସୁନାଧର ଭୋଇ, ଦେବନୀତା ମିଶ୍ର, ଅମରେଶ ରାଜୁ, ଅମିତାଭ ଠାକୁର, ମୁଖ୍ୟ ଉପଦେଷ୍ଟା ଚିଦାନନ୍ଦ ବେହେରା, ଉପଦେଷ୍ଟା ଶୁଭେନ୍ଦୁ ଶେଖର ତ୍ରିପାଠୀ, ସମୀକ୍ଷକ ବିଦ୍ୟୁତ ରଞ୍ଜନ ମହାନ୍ତି, ଅଶ୍ୱିନୀ କୁମାର ପଣ୍ଡା ନିର୍ବଚିତ ହୋଇଛନ୍ତି । ଉକ୍ତ କାର୍ଯ୍ୟକ୍ରମକୁ ବରଗଡ଼ର ବିକାଶ ହସ୍ପିଟାଲ ପ୍ରାୟୋଜିତ କରିଥିବା ସୂଚନା ରହିଛି ।
