ଦିଗପହଣ୍ଡି,ଏନ୍ଏନ୍ଏସ୍: ବ୍ରହ୍ମପୁର ଦିଗପହଣ୍ଡି ତିଳେଶ୍ୱର ରାମମନ୍ଦିର ନିକଟରେ ସ୍କୁଲ ଅଟୋରୁ ଖସି ୫ବର୍ଷର ଛାତ୍ରଙ୍କ ମୃତ୍ୟୁ ଘଟିଛି। ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇବା ସହ ରାସ୍ତା ଅବରୋଧ କରିଛନ୍ତି। ପ୍ରକାଶଥାଉକି, ଏକ ଘରୋଇ ସ୍କୁଲକୁ ଅଟୋରେ ୧୫ ଜଣରୁ ଅଧିକ ପିଲାମାନଙ୍କୁ ନେଇ ଯାଉଥିବା ବେଳେ ଅସାବଧାନତା କାରଣକୁ ଜଣେ ଛାତ୍ର ଖସିପଡିଥିଲେ। ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣାକୁ ନେଇ ଉତ୍ତ୍ୟକ୍ତ ଲୋକେ ଦିଗପହଣ୍ଡି-ଚିକିଟି ରାସ୍ତା ଅବରୋଧ କରିଥିଲେ। ସମ୍ପୃକ୍ତ ସ୍କୁଲ ଓ ଡ୍ରାଇଭରଙ୍କ ବିରୋଧରେ କଡା ପଦକ୍ଷେପ ନେବା ପାଇଁ ଲୋକେ ଦାବି କରିଛନ୍ତି।
