ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଆଉ ୫୭୯ କରୋନା ରୋଗୀ ସୁସ୍ଥ ହୋଇଛନ୍ତି। ଫଳରେ ମୋଟ ସୁସ୍ଥସଂଖ୍ୟା ୧୦ଲକ୍ଷ ୧୪ହଜାର ୪୧୨କୁ ବୃଦ୍ଧି ପାଇଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
ଆଜି ସୁସ୍ଥ ହୋଇଥିବା କରୋନା ରୋଗୀଙ୍କ ମଧ୍ୟରେ ଖୋର୍ଦ୍ଧାରୁ ୨୮୩, କଟକରୁ ୪୧, ବାଲେଶ୍ୱରରୁ ୨୯, ଜଗତସିଂହପୁରରୁ ୨୮, ସମ୍ବଲପୁରରୁ ୨୩, ଯାଜପୁରରୁ ୧୯, ଅନୁଗୁଳ ଓ ମୟୁରଭଞ୍ଜରୁ୧୩ ଲେଖାଏଁ, ପୁରୀରୁ ୧୨, ଭଦ୍ରକ ଓ ସୁନ୍ଦରଗଡ଼ରୁ ୧୦ ଲେଖାଏଁ ରହିଛନ୍ତି। ସେହିପରି ଢେଙ୍କାନାଳ ଓ ସୋନପୁରରୁ ୫ ଲେଖାଏଁ, ଗଞ୍ଜାମ, ନୟାଗଡ଼ ଓ ରାୟଗଡ଼ାରୁ ୩ ଲେଖାଏଁ, ଦେଓଗଡ଼, ଗଜପତି, ଝାରସୁଗୁଡ଼ା, କୋରାପୁଟରୁ ୨ ଲେଖାଏଁ, କନ୍ଧମାଳ, କେନ୍ଦ୍ରାପଡ଼ା, କେଉଁଝର ଓ ମାଲକାନଗିରିରୁ ଜଣେ ଲେଖାଏଁ ରହିଛନ୍ତି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା ୧୦ଲକ୍ଷ ୨୭ହଜାର ୪୭୧ହୋଇଥିବାବେଳେ ୧୦ଲକ୍ଷ ୧୪ହଜାର ୪୧୨ଜଣ ସୁସ୍ଥ ହୋଇଛନ୍ତି। ଅନ୍ୟପଟେ ୮,୨୦୯ ଜଣଙ୍କର ମୃତ୍ୟୁ ଘଟିଛି ଓ ୪ହଜାର ୮୫୦ଜଣ ଚିକିତ୍ସିତ ହେଉଛନ୍ତି।
