ରାୟଗଡ଼ା,ଏନ୍ଏନ୍ଏସ୍: ରାୟଗଡା ଜିଲ୍ଲାରେ ଆଜି ୫୫ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡା.ଆର୍ତ୍ତବନ୍ଧୁ ନାୟକ ସୂଚନା ଦେଇଛନ୍ତି। ଚିହ୍ନଟ ହୋଇଥିବା ୫୫ ଜଣଙ୍କ ମଧ୍ୟରୁ ୩୮ ଜଣ ପୁରୁଷ ଥିବାବେଳେ ୧୭ ଜଣ ମହିଳା ଅଛନ୍ତି। ବର୍ତ୍ତମାନ ସୁଦ୍ଧା ଜିଲ୍ଲାରୁ ୧୭୩୪ ଜଣ ଚିହ୍ନଟ ହୋଇଥିବାବେଳେ ୧୧୪୮ ଜଣ ସୁସ୍ଥ ହୋଇ ଫେରିଛନ୍ତି। ୧୨ ଜଣଙ୍କର କରୋନା ଜନିତ ମୃତ୍ୟୁ ହୋଇଛି। ଅନ୍ୟପକ୍ଷ୍ୟରେ ଜିଲ୍ଲାର ୧୧ ଟି ବ୍ଲକରେ ପ୍ରଶାସନ ତରଫରୁ ମୋବାଇଲ ଭ୍ୟାନ ଜରିଆରେ ରାପିଡ୍ ଆଣ୍ଟିଜେନ ଟେଷ୍ଟିଂ ଆରମ୍ଭ ହୋଇଛି। କରୋନା ଲକ୍ଷ୍ୟଣ ଥିବା ବ୍ୟକ୍ତି ସ୍ୱତଃପ୍ରବୃତ ଭାବେ ଆଗକୁ ଆସି ରାପିଡ୍ ଆଣ୍ଟିଜେନ ଟେଷ୍ଟିଂ କରିବା ପାଇଁ ନିବେଦନ କରାଯାଇଛି।
