ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ଆଉ ୫୪୬ କରୋନା ରୋଗୀ ସୁସ୍ଥ ହୋଇଛନ୍ତି। ଫଳରେ ମୋଟ ସୁସ୍ଥସଂଖ୍ୟା ୧୦ଲକ୍ଷ ୨୭ହଜାର ୬୫୪କୁ ବୃଦ୍ଧି ପାଇଛି। ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
ଆଜି ସୁସ୍ଥ ହୋଇଥିବା କରୋନା ରୋଗୀଙ୍କ ମଧ୍ୟରେ ଖୋର୍ଦ୍ଧାରୁ ସର୍ବାଧିକ ୩୦୩, ଷ୍ଟେଟପୋଲରୁ ୭୧, କଟକରୁ ୫୦, ସୁନ୍ଦରଗଡ଼ରୁ ୧୮, ପୁରୀରୁ ୧୪, ବାଲେଶ୍ୱରରୁ ୧୩, ଜଗତସିଂହପୁର ଓ ସମ୍ବଲପୁରରୁ ୧୨ଲେଖାଏଁ, ଯାଜପୁରରୁ ୧୧, ମୟୁରଭଞ୍ଜରୁ ୮, ନୟାଗଡ଼ରୁ ୬, ଝାରସୁଗୁଡ଼ା ଓ କୋରାପୁଟରୁ ୫ ଲେଖାଏଁ, ଭଦ୍ରକ ଓ ବଲାଙ୍ଗିରରୁ ୪ ଲେଖାଏଁ, ଗଞ୍ଜାମ ଓ କେନ୍ଦ୍ରାପଡ଼ାରୁ ୩ ଲେଖାଏଁ, ଅନୁଗୁଳରୁ ୨, ଦେଓଗଡ଼ ଓ ନବରଙ୍ଗପୁର ଜିଲ୍ଲାରୁ ଜଣେ ଲେଖାଏଁ ରହିଥିବା ଜଣାପଡ଼ିଛି।
ସୂଚନାଯୋଗ୍ୟ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା ୧୦ଲକ୍ଷ ୪୦ହଜାର ୨୩୦ ହୋଇଥିବାବେଳେ ୧୦ଲକ୍ଷ ୨୭ହଜାର ୬୫୪ଜଣ ସୁସ୍ଥ ହୋଇଛନ୍ତି। ଅନ୍ୟପଟେ ୮,୩୨୨ ଜଣଙ୍କର ମୃତ୍ୟୁ ଘଟିଛି ଓ ୪ହଜାର ୨୦୧ଜଣ ଚିକିତ୍ସିତ ହେଉଛନ୍ତି।
