ଭୁବନେଶ୍ୱର: ରାଜ୍ୟରେ ଆଉ ୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସମସ୍ତ ଆକ୍ରନ୍ତ ବାଲେଶ୍ୱରର ବୋଲି ସ୍ପଷ୍ଟ କରିଛି ରାଜ୍ୟ ସ୍ୱାସ୍ଥ୍ୟ ପରିବାର କଲ୍ୟାଣ ବିଭାଗ। ଏମାନଙ୍କ ମଧ୍ୟରେ ଜଣେ ୧୨ ବର୍ଷର ନାବାଳକ, ୩୪ ବର୍ଷୀୟ ଦୁଇ ଜଣ ମହିଳା, ଜଣେ ୨୬ ବର୍ଷର ଯୁବକ ଓ ଆଉ ଜଣେ ୩୮ବର୍ଷୀୟ ଯୁବକ ରହିଛନ୍ତି। ଏ ସମସ୍ତ ଆକ୍ରାନ୍ତ ପୂର୍ବ ଆକ୍ରାନ୍ତଙ୍କ ସମ୍ପର୍କୀୟ ଥିଲେ। ଗତ ୪୮ ଘଣ୍ଟା ମଧ୍ୟରେ ରାଜ୍ୟରେ ଆକ୍ରାନ୍ତ ସଂଖ୍ୟା ୧୮ରେ ପହଁଚିଥିବା ବେଳେ ମୋଟ ୭୪ରୁ ୭୯ କୁ ବୃଦ୍ଧି ପାଇଛି। ଏତଦ୍ବ୍ୟତୀତ ବର୍ତ୍ତମାନ ସମୟରେ ପଶ୍ଚିମବଙ୍ଗ ଫେରନ୍ତା ରାଜ୍ୟ ସରକାରଙ୍କ ମୁଣ୍ଡବ୍ୟଥାର କାରଣ ହୋଇଛି।
