ବଲାଙ୍ଗିର,ଏନ୍ଏନ୍ଏସ୍ : ବଲାଙ୍ଗୀର ପୁଲିସ ବର୍ତମାନ ସମ୍ପୁର୍ଣ୍ଣ ଆକ୍ସନ ମୁଡରେ । ବିଭିନ୍ନ ପ୍ରକାର ଅନୈତିକ କାର୍ଯ୍ୟ ଉପରେ ଅଙ୍କୁଶ ଲଗାଇବାରେ ଲାଗି ପଡିଛି । ଏହି କ୍ରମରେ ଘୁଡିଘୁଡି ପଟିରେ ଜୁଆ ଖେଳାଉଥିବା ଅଭିଯୋଗରେ ପୁଲିସ ୫ ଜଣଙ୍କୁ ଗିରଫ କରିଛି । ଗିରଫ ହୋଇଥିବା ଅଭିଯୁକ୍ତମାନେ ହେଲେ ପୁଇଁନ୍ତଲା ଥାନା ଅନ୍ତର୍ଗତ ଛତାମଖନା ଗାଁର ଜୀତେନ୍ଦ୍ର ମିଶ୍ର (୩୬) , ଦୁର୍ଗପାଲି ର ଘନଶ୍ୟାମ ବିନ୍ଧାଣୀ (୩୧) , ନୀଳାଞ୍ଚଳ ହରପାଲ (୪୫) , ଟେଣ୍ଡାପଦର ର ଜୟଦେବ ଭାଟି (୨୦) ଓ ଦୁର୍ଗପାଲି ର ସୁବାଷ ପଟେଲ (୩୨) । ସେମାନଙ୍କ ନିକଟରୁ ପୁଲିସ ୨୯ ହଜାର ୩୩୦ ଟଙ୍କା ଜବତ କରିବା ସହ ଖେଳରେ ବ୍ୟବହୃତ ହେଉଥିବା ଏକ ବାସ୍କେଟ , ଘୁଡୁଘୁଡି ପଟି ଓ ଗୋଟି ଜବତ କରିଛି ।
ପୁଲିସ ତରଫରୁ ଦିଆଯାଇଥିବା ସୂଚନା ଅନୁଯାୟୀ , ପୁଇଁନ୍ତଲା ଥାନା ଅନ୍ତର୍ଗତ ଦୁର୍ଗପାଲି ଗାଁରେ କ୍ରିକେଟ ଟୁର୍ଣ୍ଣାମେଂଟଣ୍ଟଚାଲିଥିବା ବେଳେ ଏହି ଜୁଆଡିମାନେ ସେହି ନିକଟରେ ଜୁଆ ଖେଳ ଚଳାଇଥିଲେ । ତେବେ ସେଠାରୁ କୌଣସି ବ୍ୟକ୍ତି ଜୁଆ ଖେଳ ଚାଲିଥିବା ନେଇ ଏସପିଙ୍କ ଦ୍ୱାରା ବ୍ୟବହୃତ ହେଉଥିବା ଏକ ସ୍ୱତନ୍ତ୍ର ହ୍ୱାଟ୍ସଆପ ନମ୍ବରକୁ ଫୋନ କରି ଜଣାଇଥିଲେ ।
ଏ ସମ୍ପର୍କରେ ଖବର ପାଇବା ପରେ ଏସପି ଜୁଆ ଆଡ୍ଡା ଉପରେ ରେଡ କରିବା ପାଇଁ ପୁଇଁନ୍ତଲା ପୁଲିସକୁ ନିର୍ଦ୍ଧେଶ ଦେଇଥିଲେ । ଏସପିଙ୍କ ନିର୍ଦ୍ଧେଶ କ୍ରମେ ଏକ ପୁଲିସ ଟିମ ଜୁଆ ଆଡ୍ଡା ଉପରେ ଚଢାଉ କରି ଅଭିଯୁକ୍ତମାନଙ୍କୁ ଗିରଫ କରିଥିଲା । ସେମାନଙ୍କ ବିରୁଦ୍ଧରେ ପୁଲସି ୩ ଓପିଜି ଆକ୍ଟ ଲଗାଇ କୋର୍ଟ ଚାଲାଣ କରିଛି । ସୂଚନାଯୋଗ୍ୟ ଯେ , ଏହି ଦୁର୍ଗପାଲି ଗାଁରେ ଘୁଡୁଘୁଡି ପଟିରେ ଜୁଆ ଖେଳାଉଥିବା ଅଭିଯୋଗରେ ୩ ଜଣଙ୍କୁ କୋର୍ଟ ଚାଲାଣ କରାଯାଇଥିଲା ।
