ପାଟଣାଗଡ଼,ଏନ୍ଏନ୍ଏସ୍: ଖପ୍ରାଖୋଲ ଥାନା ବେଲପଡ଼ା ବ୍ଲକ ଗମ୍ଭାରୀ ଗ୍ରାମରେ ଲକ୍ଷ୍ମୀ ପୂଜା ମେଳାରେ ଖପ୍ରାଖୋଲ ପୁଲିସ ଚଢ଼ଉ କରି ୫ଜଣ ଜୁଆଡ଼ିଙ୍କୁ ଗିରଫ କରିଥିବା ଜଣାପଡ଼ିଛି। ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ନାବାଳକ ରହିଛନ୍ତି। ଉକ୍ତ ନାବାଳକକୁ ଜାମିନରେ ଛାଡ଼ି ଦିଆଯାଇଥିବା ବେଳେ ଖପ୍ରାଖୋଲର ଜଗତରାମ ବାଗ, ଦମାଇପାଲିର ରମେଶ ମେହେର, ବେଲପଡ଼ାର ପରମେଶ୍ୱର ମେହେର, ଗଘରାର ଡିଲେଶ୍ୱର ବେହେରାକୁ କୋର୍ଟ ଚାଲାଣ କରାଯାଇଛି। ଉକ୍ତ ଜୁଆଡ଼ିଙ୍କଠାରୁ ୧୯୧୦ଟଙ୍କା ସହ ପଟି ଖପ୍ରାଖୋଲ ପୁଲିସ ଜବତ କରିଛି।
