ଫୁଲବାଣୀ,ଟିକାବାଲି,ଏନ୍ଏନ୍ଏସ୍: କନ୍ଧମାଳ ଜିଲ୍ଲାରୁ ଆଜି ପୁଣି ୪୧ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଫଳରେ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ୨୦୦୬ରେ ପହଞ୍ଚିଛି। ଆଜି ଚିହ୍ନଟଙ୍କ ମଧ୍ୟରେ ୨୩ଜଣ ପୁରୁଷ ଓ ୧୮ଜଣ ମହିଳା ଅଛନ୍ତି। ସେମାନଙ୍କ ମଧ୍ୟରେ ଜଣେ କରୋନା ଯୋଦ୍ଧା ଅଛନ୍ତି। ଆଜି ଫୁଲବାଣୀରୁ ୧୭ଜଣ ଚିହ୍ନଟ ହୋଇଥିବାବେଳେ ଚକାପାଦରୁ ଜଣେ , ଦାରିଙ୍ଗବାଡ଼ିରୁ ୨ ଜଣ , କେ.ନୂଆଗାଁରୁ ଜଣେ , ଟିକାବାଲିରୁ ୪ ଜଣ , କୋଟଗଡ଼ରୁ ୪ ଜଣ , ତୁମୁଡ଼ବନ୍ଧରୁ ୨, ରାଇକିଆରୁ ୩, ବାଲିଗୁଡ଼ାରୁ ୨, ଫିରିଙ୍ଗିଆରୁ ଜଣେ ଓ ଖଜୁରିପଡ଼ାରୁ ୨ ଜଣ ଚିହ୍ନଟ ହୋଇଥିବା ବେଳେ ଅନ୍ୟ ଏକ ଅଞ୍ଚଳରୁ ୨ ଜଣ ସଂକ୍ରମିତ ହୋଇଛନ୍ତି। ଜିଲ୍ଲାରେ ଚିହ୍ନଟ ୨୦୦୬ ଜଣ ମଧ୍ୟରୁ ୧୫୪୪ଜଣ ସୁସ୍ଥ ହୋଇ ଫେରିଥିବାବେଳେ ୭ଜଣଙ୍କର ମୃତ୍ୟୁ ହୋଇଛି।
