କୋରାପୁଟ,ଏନ୍ଏନ୍ଏସ୍: ଜୟପୁର ସଦର ପୁଲିସ ଆଜି ଏକ ଟ୍ରକରୁ ବିପୁଳ ପରିମାଣର ଗଞ୍ଜେଇ ଜବତ କରିବା ସହ ୪ଜଣଙ୍କୁ ଗିରଫ କରିଛି। ବୈପାରିଗୁଡା ଅଞ୍ଚଳରୁ ଏହି ଟ୍ରକରେ ଗଞ୍ଜେଇ ଚାଲାଣ ହେଉଥିବା ସୂଚନା ପାଇ ଭାରପ୍ରାପ୍ତ ଥାନା ଅଧିକାରୀ ଏ.ମହାଙ୍କୁଡ, ସବଇନ୍ସପେକ୍ଟର ନବୀନ କୁମାର ଟପ୍ପୋ, ଏଏସଆଇ ଏସକେ ସରକାର ଓ ଅନ୍ୟମାନେ ଜବାକନାଡି ନିକଟରେ ଗାଡିକୁ ଅଟକାଇଥିଲେ। ଯାଞ୍ଚବେଳେ ସେଥିରୁ ୭୪୦ କିଲୋ ୯୦୦ ଗ୍ରାମ ଗଞ୍ଜେଇ ଜବତ କରାଯାଇଥିଲା। ଜବତ ଗଞ୍ଜେଇର ଆନୁମାନିକ ମୂଲ୍ୟ ୪୦ ଲକ୍ଷ ଟଙ୍କା ହେବ ବୋଲି ଜଣାପଡିଛି। ଏଥିରେ ସମ୍ପୃକ୍ତ ଅଜିତ୍ କୁମାର, ଧରମ ବୀର, ହରି ଓମ ଏବଂ ଶ୍ରବଣଙ୍କୁ ପୁଲିସ ଗିରଫ କରିଛି। ସେମାନଙ୍କ ନିକଟରୁ ୨ଟି ମୋବାଇଲ୍ ଫୋନ, ନଗଦ ୨୨୯୦ ଟଙ୍କା ଜବତ କରିବା ସହ ଟ୍ରକକୁ ଅଟକ ରଖିଛି ପୁଲିସ।
