ଶିବପୁରୀ,ଏଜେନ୍ସି: ମହାରାଷ୍ଟ୍ରର ନାସିକରୁ ଉତ୍ତରପ୍ରଦେଶର ଗୋରଖପୁରକୁ ଆସିବା ବାଟରେ ଟ୍ରକରୁ ୨୦ଲକ୍ଷରୁ ଊଦ୍ଧ୍ୱର୍ ଟଙ୍କାର ପିଆଜ ଚୋରି ହୋଯାଇଥିବା ବେଳେ ଟ୍ରକଟି ଶିବପୁରୀ ଜିଲ୍ଲାରୁ ଉଦ୍ଧାର କରାଯାଇଛି। ସୂଚନା ଅନୁସାରେ ଶିବପୁରୀର ପରିବହନକାରୀ ଜାଭେଦଙ୍କ ଟ୍ରକ୍ରେ ନାସିକର ଜଣେ ପିଆଜ ବ୍ୟବସାୟୀ ପ୍ରେମଚନ୍ଦ ଶୁକ୍ଳା ନଭେମ୍ବର ୧୧ ତାରିଖରେ ଉତ୍ତରପ୍ରଦେଶର ଗୋରଖପୁରକୁ ଏକ ଟ୍ରକରେ ୪୦ଟନ ପିଆଜ ପଠାଇଥିଲେ।
ତେବେ ନଭେମ୍ବର ୨୨ତାରିଖରେ ପର୍ଯ୍ୟନ୍ତ ଟ୍ରକଟି ନିର୍ଦ୍ଧାରିତ ସ୍ଥାନରେ ନପହଞ୍ଚିବାରୁ ବ୍ୟବସାୟୀଜଣଙ୍କ ଶିବପୁରୀରେ ପହଞ୍ଚିଥିଲେ। ପିଆଜ ଚୋରି ହୋଇଥିବା ଜାଣି ଘଟଣାର ତଦନ୍ତ କରିବାକୁ ଶୁକ୍ଳା ଜିଲ୍ଲା ପୁଲିସ ସୁପରିଟେଣ୍ଡେଣ୍ଟ୍ ରାଜେଶ ସିଂହ ଚାଣ୍ଡେଲ୍ଙ୍କୁ ଭେଟି ଅଭିଯୋଗ ଦାଖଲ କରିଛନ୍ତି।
ପୁଲିସ ଏ ନେଇ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ପୁଲିସ ସୁପରିଟେଣ୍ଡେଣ୍ଟ୍ ସାମ୍ବାଦିକମାନଙ୍କୁ ସୂଚନା ଦେଇଛନ୍ତି। ଏଥିସହ ଖୁବଶୀଘ୍ର ଅଭିଯୁକ୍ତଙ୍କୁ ଧରାଯିବ ବୋଲି ସେ କହିଛନ୍ତି। ତେବେ ଖାଲି ଟ୍ରକ୍ଟି ତେନ୍ଦୁ ଥାନା ଅଞ୍ଚଳରୁ ମିଳିଛି ଏବଂ ପରିବହନକାରୀ ଜଣେ ସ୍ଥାନୀୟ ଲୋକ। ସମ୍ପ୍ରତ୍ତି ମଧ୍ୟପ୍ରଦେଶରେ ପିଆଜ ଦର କିଲୋପିଛା ୧୦୦ ଟଙ୍କାରେ ବିକ୍ରୟ ହେଉଛି।
