କୋରାପୁଟ,ଏନ୍ଏନ୍୍ଏସ୍: ଜୟପୁର ସଦର ପୁଲିସ୍ ଏକ ଟ୍ରକରୁ ବିପୁଳ ପରିମାଣର ଗଞ୍ଜେଇ ଜବତ କରିବା ସହ ୪ଜଣ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତମାନେ ହେଲେ ପଟ୍ଟାଙ୍ଗି ଗେଟ୍ ସାହିର କିଶନ୍ କୁମାର ଖେମୁଣ୍ଡୁ(୨୮), ଗୋୱାଲିଅର ମୋରାର୍ ଥାନା କୁମ୍ଭାରପାରାର ଅଶୋକ ଶ୍ରୀବାସ୍ତବ(୫୨) ଓ ଶିବପୁରୀ ଜିଲ୍ଲା ମାର୍ଗୋନୀ ଥାନା ଖ୍ରୀୟାସୁନବାଲର କାଶିରାମ୍ ବାଘେଲ୍(୨୦)। କୋରାପୁଟ ଆଡୁ ଏମ୍ ପି-୦୭ଏଚବି ୨୧୩୫ ନମ୍ବର ଥିବା ଏକ ଟ୍ରକରେ ଚୋରା ଗଞ୍ଜେଇ ଚାଲାଣ ହେଉଥିବା ସୂଚନା ଜୟପୁର ସଦର ଥାନା ପୁଲିସକୁ ମିଳିଥିଲା। ପରେ ଭାରପ୍ରାପ୍ତ ଥାନାଧିକାରୀ ଏ.ମହାକୁଡ଼, ସବଇନ୍ସପେକ୍ଟର ଶଙ୍କର ପଣ୍ଡା ଓ ଅନ୍ୟମାନେ ଜୟପୁର-ବୋରିଗୁମ୍ମା ୨୬ ନଂ ଜାତୀୟ ରାଜପଥର ଉମୁରୀ ଏଫସିଆଇ ଗୋଦାମ୍ ନିକଟରେ ଗାଡ଼ିକୁ ଅପେକ୍ଷା କରି ରହିଥିଲେ। ଟ୍ରକ ପହଂଚିବା ମାତ୍ରେ ଅଟକାଇ ଯାଞ୍ଚ କରିବା ବେଳକୁ ସେଥିରୁ ୮୦ଟି ପ୍ଲାଷ୍ଟିକ୍ ଅଖାରୁ ୪୦୭ କିଲୋ ୨୫୦ ଗ୍ରାମ ଗଞ୍ଜେଇ ମିଳିଥିଲା। ଉକ୍ତ ଗଞ୍ଜେଇର ଆନୁମାନିକ ମୂଲ୍ୟ ୩୫ଲକ୍ଷ ଟଙ୍କା ହେବ ବୋଲି ଜଣାପଡ଼ିଛ। ପୁଲିସ୍ ଗଞ୍ଜେଇ ସହ ଉକ୍ତ ଟ୍ରକ୍, ଏକ ପଲସର୍ ମୋଟରସାଇକଲ, ୪ଟି ମୋବାଇଲ୍ ଫୋନ୍ ଓ୧୮୦୦ ଟଙ୍କା ଜବତ କରିଛି।
