ଝାରସୁଗୁଡା,ଏନ୍ଏନ୍ଏସ୍: ଝାରସୁଗୁଡା ଜିଲ୍ଲା ବସ୍ ଷ୍ଟାଣ୍ଡ ନିକଟରେଥିବା ୩ଟି ଦୋକାନରେ ସୋମବାର ସକାଳେ କୌଣସି କାରଣ ବଶତଃ ନିଆଁ ଲାଗି ଯାଇଥିଲା। ଫଳରେ ୩ଟି ଯାକ ଦୋକାନ ଜଳିଯିବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଥିବା ଜଣାପଡିଛି। ସୂଚନା ଅନୁଯାୟୀ, ବସ୍ ଷ୍ଟାଣ୍ଡ ନିକଟରେ ଥିବା ୱେଲଡିଙ୍ଗ ଦୋକାନରେ ସଟ ସାର୍କିଟ ଯୋଗୁଁ ପ୍ରଥମେ ନିଆଁ ଲାଗିଥିଲା।
ଏଥି ସହ ଏହାକୁ ଲାଗି ରହିଥିବା ଅନ୍ୟ ୨ଟି ଦୋକାନକୁ ନିଆଁ ବ୍ୟାପିଥିବା ଅନୁମାନ କରାଯାଉଛି। ଖବରପାଇ ବେଦାନ୍ତ ଓ ଅଗ୍ନିଶମ ବିଭାଗର କର୍ମଚାରୀମାନେ ଘଟଣାସ୍ଥଳକୁ ପହଞ୍ଚି ନିଆଁକୁ ଆୟତ୍ତ କରିଥିଲେ। ପରେ ଘଟଣାସ୍ଥଳକୁ ତହସିଲଦାର ଦୀଲିପ କୁମାର ପ୍ରଧାନ ପହଞ୍ଚି ସ୍ଥିତି ପରିଖିବା ସହ ଟାଉନ ଥାନା ଅଧିକାରୀ ସାବିତ୍ରୀ ବଳ ଦୋକାନରେ ନିଆଁ କିପରି ଲାଗିଲା ସେ ନେଇ ତଦନ୍ତ କରୁଛନ୍ତି।
