ରାୟପୁର,ଏନ୍ଏନ୍ଏସ୍: ପୁଲିସକୁ ବଡ ସଫଳତା। ପୁଣି ସୀମାରେ ମୁହାଁମୁହିଁ ହେଲେ ମାଓବାଦୀ-ପୁଲିସ। ଗୁଳି ବିନିମୟରେ ଟଳିଲେ ୩ ମାଓବାଦୀ। ତେଲେଙ୍ଗାନା-ଛତିଶଗଡ ସୀମା ମୁଲୁଗୁ ଜଙ୍ଗଲରେ ଏହି ଗୁଳି ବିନିମୟ ହୋଇଛି। ଏଥିରେ ୩ ମାଓବାଦୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ଏକେ-୪୭ ବନ୍ଧୁକ, ରାଇଫଲ ଜବତ କରିଛି ପୁଲିସ। ଏହାସହ ସର୍ଚ୍ଚ ଅପରେସନ ଜାରି ରଖିଛି ପୁଲିସ।
ମାଓବାଦୀଙ୍କୁ କଡା ଜବାବ ଦେଇଛି ପୁଲିସ। ନିକଟରେ ଓଡିଶାର ତୁଳସୀପୁର ପାହାଡ଼ ଜଙ୍ଗଲରେ ପୁଲିସ-ମାଓ ଗୁଳି ବିନିମୟ ହୋଇଥିଲା। ଏଥିରେ ୨ ମହିଳା, ଜଣେ ପୁରୁଷ ମାଓବାଦୀ ପ୍ରାଣ ହରାଇଥିଲେ। ମାଓ ନେତା ସୁନୀଲ ସହିତ ଅନ୍ୟ କିଛି ମାଓନେତା ପୁଲିସର ଆକ୍ରମଣ ପ୍ରତିହତ କରିନପାରି ଛତ୍ରଭଙ୍ଗ ଦେଇଥିଲେ। ଘଟଣାସ୍ଥଳରୁ ଇନସାସ ବନ୍ଧୁକ, ବିସ୍ଫୋରକ ଓ କିଛି ମାଓ ବ୍ୟବହୃତ ସାମଗ୍ରୀ ଜବତ ହୋଇଥିଲା।
