ଧର୍ମଗଡ଼,ଏନ୍ଏନ୍ଏସ୍: ଜୟପାଟଣା ଥାନା ପୁଲିସ ଆଜି ୩ ନକଲି ମାଓବାଦୀଙ୍କୁ ଗିରଫ କରିଛି। ମାଓବାଦୀ ନାଁ’ରେ ୩ ଜଣ ଦୁର୍ବୃତ୍ତ ଜଣେ ବ୍ୟବସାୟୀଙ୍କୁ ଫୋନ କରି ୧୦ ଲକ୍ଷ ଟଙ୍କା ଚାନ୍ଦା ମାଗିଥିଲେ। ଏନେଇ ବ୍ୟବସାୟୀ ଜଣଙ୍କ ଥାନାର ଦ୍ୱାରସ୍ଥ ହୋଇଥିଲେ। ପରେ ପୁଲିସ କହିବା ଅନୁଯାୟୀ ବ୍ୟବସାୟୀ ଜଣଙ୍କ ଟଙ୍କା ଦେବାକୁ ଯାଇଥିଲେ। ଟଙ୍କା ନେଉଥିବା ବେଳେ ପୁଲିସ ଏହି ୩ ନକଲି ମାଓବାଦୀଙ୍କୁ ଗିରଫ କରିଛି। ବ୍ୟବସାୟୀ ଜଣଙ୍କ ହେଲେ ପୁଝାରୀଗୁଡାର ବିଶିଷ୍ଟ ବ୍ୟବସାୟୀ ତୁଲସୀରାମ ନାଏକ।
