ରନୱେରେ ବିମାନ ଦୁର୍ଘଟଣା ଗସ୍ତ, ୩ ମୃତ ୧୫୭ ଆହତ

ତୁର୍କୀ,ଏଜେନ୍ସି: ତୁର୍କୀର ଇସ୍ତାନବୁଲ ଏୟାରପୋର୍ଟ ରନ୍‌ୱେରେ ଆଜି ଏକ ଅଭାବନୀୟ ଘଟଣା ଘଟିଛି। ରନୱେରେ ଏକ ବିମାନ ଦୁର୍ଘଟଣା ଗସ୍ତ ହୋଇ ୩ଜଣଙ୍କ ମୃତ୍ୟୁ ହୋଇଥିବା ବେଳେ ୧୫୭ ଜଣ ଯାତ୍ରୀ ଆହତ ହୋଇଛନ୍ତି। ବୁଧବାର ଇସ୍ତାନବୁଲ ଏୟାରପୋର୍ଟ ରନ୍‌ୱେରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ବିମାନରେ ୧୭୭ ଜଣ ଯାତ୍ରୀ ଥିଲେ।
ସୂଚନା ଅନୁସାରେ ବିମାନଟି ଅବତରଣ କରିବା ସମୟରେ ଭାରସାମ୍ୟ ହରାଇ ରନ୍‌ୱେ ବାହାରକୁ ଚାଲିଯାଇଥିଲା। ଏହା ପରେ ଉଚ୍ଚ ଯାଗାରୁ ତଳକୁ ଖସି ବିମାନଟି ୩ ଖଣ୍ଡ ହୋଇଯାଇଥିବା ଦେଖାଯାଇଛି ।

ଆହତଙ୍କ ମଧ୍ୟରେ ୧୨ ଜଣ ଶିଶୁ ରହିଥିବା ଜଣାପଡ଼ିଛି। ପେଗାସସ୍‌ ଏୟାରଲାଇନ୍ସର ଏହି ବୋଇଂ ୭୩୭ ବିମାନ ଦୁର୍ଘଟଣା ପରେ ସେଥିରେ ନିଆଁ ଲାଗିଯାଇଛି । ପାଣିପାଗ ଖରାପ ଯୋଗୁଁ ବିମାନଟି ଦୁର୍ଘଟଣାର ସମ୍ମୁଖୀନ ହୋଇଥିବା କୁହାଯାଉଛି ।