ମୟୂରଭଞ୍ଜ,ଏନ୍ଏନ୍ଏସ୍: ଗତକାଲିର ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ଅଞ୍ଚଳରେ ଜଣେ କଲେଜ ଛାତ୍ରୀଙ୍କୁ ଲିଫ୍ଟ ଦେବା ବାହାନାରେ ନେଇ ଗଣଦୁଷ୍କର୍ମ କରାଯାଇଥିଲା। ଏହି ମାମଲାରେ ୩ ଅଭିଯୁକ୍ତଙ୍କୁ ଗିରଫ କରିଛି ବୈଶିଙ୍ଗା ଥାନା ପୁଲିସ।
ଶନିବାର କଲେଜ ଯାଉଥିବା ସମୟରେ ଛାତ୍ରୀ ଜଣଙ୍କୁ କଲେଜରେ ଛାଡିଦେବାକୁ କହି ଲିଫ୍ଟ ଦେବା ବାହାନାରେ ଛାତ୍ରୀଙ୍କ କିଛି ସାଙ୍ଗ ତାଙ୍କୁ ଟେକି ନେଇ ପାଖ କଳମା ଛକ ନିକଟରେ ଥିବା ଏକ ଜଙ୍ଗଲରେ ଗଣ ଦୁଷ୍କର୍ମ କରିଥିଲେ।
ଜଙ୍ଗଲରୁ ଯୁବତୀ ଜଣଙ୍କୁ ଅତି ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଘଟଣାରେ ପୀଡିତାଙ୍କ ପରିବାର ପକ୍ଷରୁ ବୈଶିଙ୍ଗା ଥାନାରେ ସମ୍ପୃକ୍ତ ୩ ଅଭିଯୁକ୍ତ ମାନଙ୍କ ନାମରେ ଅଭିଯୋଗ ହେବା ପରେ ସମସ୍ତ ୩ ଅଭିଯୁକ୍ତଙ୍କୁ ପୁଲିସ ଗିରଫ କରିଥିବା ଜଣାପଡିଛି।
ତେବେ ଛାତ୍ରୀ ଜଣଙ୍କ ଅବସ୍ଥା ଏବେ ଗୁରୁତର ରହିଛି। ଏପଟେ ଗିରଫ ଅଭିଯୁକ୍ତ ମାନଙ୍କୁ ଆସନ୍ତା କାଲି କୋର୍ଟ ଫରୱାର୍ଡ କରାଯିବ ବୋଲି ବୈଶିଙ୍ଗା ଥାନା ପୁଲିସ ପକ୍ଷରୁ ସୂଚନା ମିଳିଛି।
