ଝାରସୁଗୁଡ଼ା,ଏନ୍ଏନ୍ଏସ୍: ବେଲପାହାଡ଼ ଅବକାରୀ ବିଭାଗ ୨୯ ଲିଟର ଦେଶୀ ମଦ ଜବତ କରିବା ସହ ୩ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତମାନେ ବଡ଼ସରୁଆ ଗ୍ରାମର ସୁବୋଧ ମୁଣ୍ଡା, ଖୋଟବନ୍ଧ ଗ୍ରାମର ଉତ୍ତମ ପ୍ରଧାନ ଓ ଚେରକଟା ଗ୍ରାମର ଲିଙ୍ଗ ରୋହିଦାସ ବୋଲି ଅବକାରୀ ବିଭାଗ ସୂଚନା ଦେଇଛନ୍ତି। ମିଳିଥିବା ରିପୋର୍ଟ ମୁତାବକ, ବେଆଇନ ମଦ ରନ୍ଧା ଏବଂ ବିକ୍ରିକୁ ବନ୍ଦ କରିବା ପାଇଁ ଅବକାରୀ ଅଧୀକ୍ଷକ ଦିଲ୍ଲୀପ କୁମାର ପଲେଇଙ୍କ ନିର୍ଦ୍ଦେଶକ୍ରମେ ଅବକାରୀ ଇନ୍ସପେକ୍ଟର ବିନୟ ପ୍ରକାଶ ତିର୍କୀ, ଓଆଇସି ଦେବେନ୍ଦ୍ର କୁମାର ପ୍ରହରାଜ, ଏଏସଆଇ ମହେନ୍ଦ୍ର କୁମାର ବାରିକ କନେଷ୍ଟବଳ ଫୁଲତୁଲି ନୟକ, ଅବନୀ ସା, ହେମାନନ୍ଦ ଓରାମ, ଲକ୍ଷ୍ମୀ ପ୍ରଧାନ ଓ ବେଲପାହାଡ଼ ଅବକାରୀ ବିଭାଗ ଚଢ଼ଉ କରିଥିଲେ। ଏହି ସମୟରେ ସୁବୋଧ ମୁଣ୍ଡା ନିକଟରୁ ୧୨ ଲିଟର ମଦ, ଉତ୍ତମ ପ୍ରଧାନଙ୍କଠାରୁ ୬ ଲିଟର ମଦ ଓ ଲିଙ୍ଗ ରୋହିଦାସଠାରୁ ୧୧ ଲିଟର ମଦ ଜବତ କରାଯାଇଥିବା ଜଣାପଡ଼ିଛି।
