କୋରାପୁଟ,ଏନ୍ଏନ୍ଏସ୍ : ନାରାୟଣପାଟଣା ବ୍ଲକ ପିପଲପଦର ନିକଟରେ ଏକ ଟ୍ରାକ୍ଟର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେବାରୁ ଡ୍ରାଇଭର ସହ ୨୭ ଜଣ ଆହତ ହୋଇଥିବା ଜଣାପଡ଼ିଛି। ଜୋଡିଆମ୍ବ ଓ ନାରଙ୍ଗ ଗ୍ରାମର ୨୬ ଜଣ ଚାଉଳ ନେବା ପାଇଁ ଏକ ଟ୍ରାକ୍ଟର ଯୋଗେ ତେନ୍ତୁଲିପଦର ପଞ୍ଚାୟତକୁ ଆସିଥିଲେ। ଚାଉଳ ନେଇ ଫେରିବାବେଳେ ପିପଲପଦର ନିକଟରେ ଭାରସାମ୍ୟ ହରାଇ ଟ୍ରାକ୍ଟରଟି ଓଲଟି ପଡ଼ିଥିଲା। ପରେ ସ୍ଥାନୀୟ ଲୋକଙ୍କ ସହାୟତାରେ ନାରାୟଣପାଟଣା ପୁଲିସ ଆହତଙ୍କୁ ନାରାୟଣପାଟଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲା। ଏଥିସହିତ ଗୁରୁତର ଥିବା ୬ଜଣଙ୍କୁ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରାଯାଇଥିବାବେଳେ ସେମାନଙ୍କର ଚିକିତ୍ସା ମାଗଣାରେ କରାଯିବ ବୋଲି ସୂଚନା ମିଳିଛି।
