ନୂଆଦିଲ୍ଲୀ,ଏଜେନ୍ସି: ସାରା ବିଶ୍ଵରେ ଆତଙ୍କ ଖେଳାଇଥିବା କରୋନା ଭାରତରେ ତାର ତାଣ୍ଡବ ଲୀଳା ରଚୁଛି। ଦେଶରେ କରୋନା ମୃତ୍ୟୁ ସଂଖ୍ୟା ୨୨୯୩କୁ ବୃଦ୍ଧି ହୋଇଛି। ସେପଟେ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୭୦ ହଜାର ୭୫୭ରେ ପହଁଚିଲାଣି। ସେମାନଙ୍କ ମଧ୍ୟରୁ ୪୬,୦୦୮ ଜଣ ଚିକିତ୍ସାଧୀନ ଥିବା ବେଳେ ୨୨ ହଜାର ୪୫୫ ଜଣ ସୁସ୍ଥ ହୋଇଛନ୍ତି। ଏ ନେଇ କେନ୍ଦ୍ର ସ୍ଵାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।
ସେପଟେ ମହାରାଷ୍ଟ୍ରରେ ସର୍ବାଧିକ ଆକ୍ରାନ୍ତ ୨୩ ହଜାର ୪୦୧ ଜଣ ହୋଇଛନ୍ତି। ସେମାନଙ୍କ ମଧ୍ୟରୁ ୮୬୮ ଜଣ ମୃତ୍ୟୁବରଣ କଲେଣି। ସେହିପରି ଗୁଜୁରାଟରେ ୫୧୩, ମଧ୍ୟପ୍ରଦେଶରେ ୨୨୧, ପଶ୍ଚିମବଙ୍ଗରେ ୧୯୦, ରାଜସ୍ଥାନରେ ୧୧୩, ଦିଲ୍ଲୀରେ ୭୩ ଓ ତାମିଲନାଡୁରେ ୫୩ ଜଣଙ୍କର ମୃତ୍ୟୁ ଘଟିଛି।
