ଭୁବନେଶ୍ୱର,ଏଜେନ୍ସି: ରାଜ୍ୟରେ ଆଜି ଆଉ ୨୦ ଜଣ କରୋନା ପଜେଟିଭ ଚିହ୍ନଟ ହୋଇଛନ୍ତି। ଏହା ସହ ଆକ୍ରାନ୍ତଙ୍କ ସଂଖ୍ୟା ୨୦୫ରେ ପହଞ୍ଚିଛି। ଆକ୍ରାନ୍ତଙ୍କ ମଧ୍ୟରୁ ୧୭ ଜଣ ଗଂଜାମର ହୋଇଥିବା ବେଳେ ୩ ଜଣ ମୟୁରଭଞ୍ଜର। ଏହା ସହ ମୟୁରଭଞ୍ଜରେ ପ୍ରଥମଥର କରି କରୋନା ରୋଗୀ ଚିହ୍ନଟ ହୋଇଛନ୍ତି। ଏ ନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି।
ଆଜି ଗଞ୍ଜାମରୁ ଚିହ୍ନଟ ହୋଇଥିବା ୧୭ ଆକ୍ରନ୍ତଙ୍କ ସମ୍ପର୍କରେ ତଥ୍ୟ ଦେଇଛନ୍ତି ରାଜ୍ୟସରକାର। ସେମାନଙ୍କ ମଧ୍ୟରୁ ଜଣେ ମହିଳା ହୋଇଥିବାବେଳେ ୧୬ ଜଣ ପୁରୁଷ ଅଛନ୍ତି। ତେବେ ସମସ୍ତ ଆକ୍ରାନ୍ତ ସୁରତ ଫେରନ୍ତା ବୋଲି ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ସୂଚନା ଦେଇଛି। ରାଜ୍ୟରେ ଏପର୍ଯ୍ୟନ୍ତ ୫୦ ହଜାର ୫୧୪ ସାମ୍ପଲ ଟେଷ୍ଟ ହୋଇଛି। ଗତକାଲି ମୋଟ ୩୦୬୦ଟି ସାମ୍ପଲ ଟେଷ୍ଟ କରାଯାଇଥିଲା। ତେବେ ଏବେ ସୁଦ୍ଧା ରାଜ୍ୟରେ ୧୪୨ ଆକ୍ଟିଭ ମାମଲା ଥିବାବେଳେ ସୁସ୍ଥ ହୋଇଛନ୍ତି ୬୧। ଏଥିସହିତ ୨ ଜଣଙ୍କ ମୃତ୍ୟୁ ହୋଇଛି।
