ଜୟପୁର,ଏନ୍ଏନ୍ଏସ୍: ଜୟପୁର ବନଖଣ୍ଡରୁ କାଠ ଆଣିବାକୁ ଯାଇ ଫେରିବା ସମୟରେ ଟ୍ରକ ଦୁର୍ଘଟଣାରେ ୨ ଶ୍ରମିକଙ୍କ ମୃତ୍ୟୁ ହୋଇଛି । ମୃତକ ଦ୍ୱୟହେଲେ ଧଉଡ଼ା ପଦର ଗ୍ରାମର ଘାସି ମାଝୀ (୧୮) ଓ ରୂପା ମୁଦୁଲି (୧୮) ।
ମିଳିଥିବା ରିପୋର୍ଟ ମୁତାବକ, ଜୟପୁର ବନଖଣ୍ଡର ଭାଲବ ହାଉସରୁ ଭୋଜି ପାଇଁ କାଠ ଆଣିବାକୁ ଯାଇଥିବା ଟ୍ରକ ଭାରସ୍ୟାମ ହରାଇ ଓଲଟି ପଡ଼ିଥିଲା । ଫଳରେ ଟ୍ରକରେ ଥିବା ଘାସି ଓ ରୁପା ଗୁରୁତର ହୋଇଥିଲେ । ଉଭୟଙ୍କୁ କୋରାପୁଟସ୍ଥିତ ଶହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ନେଉଥିବା ସମୟରେ ରାସ୍ତାରେ ମୃତ୍ୟୁ ହୋଇଥିଲା । ଏନେଇ ଘଟଣାସ୍ଥଳରେ ଜୟପୁର ଓ କୋରାପୁଟ ସଦର ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି ।
