ସିରିଜ କାର ଧକାରେ ୨ଗୁରୁତର

ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା କେନ୍ଦୁଝର ରାସ୍ତାର କେନ୍ଦେଇପଶି ନିକଟ ଖୁଣ୍ଟାପଡା ନିକଟରେ ରବିବାର ସନ୍ଧ୍ୟାରେ ଏକ କାର ଧକା ଦେବା ଫଳରେ ଦୁଇ ଜଣ ବ୍ୟକ୍ତି ଗୁରୁତର ହୋଇଛନ୍ତି । ଗୁରୁତର ହୋଇଥିବା ବ୍ୟକ୍ତି ହେଉଛନ୍ତି ପାଟଣା ବ୍ଲକ ମୂଷାଖରୀ ଗ୍ରାମର ମଳୟ ପାତ୍ର ଓ ଖଜିରା ପଶି ଗ୍ରାମର ଉଦ୍ଧବ ମହାନ୍ତ । ଖବର ମୁତାବକ କେନ୍ଦେଇପଶି ହାଟରୁ ବାଇକ ରେ ମଳୟ ଗାଁ କୁ ଫେରୁଥିବା ବେଳେ ପାଟଣା ପାର୍ଶ୍ୱରୁ ଓଡି ୦୩ ଜେଡ ୩୭୮୨ ନମ୍ବର ବିଶିଷ୍ଟ ଏକ ହୁଣ୍ଡାଇ ଏକ୍ସଏନ କାର ମଳୟଙ୍କ ବାଇକ ଉପରେ ଖୁଣ୍ଟାପଡା ନିକଟରେ ଚଢିଯିବା ଫଳରେ ମଳୟ ଗୁରୁତର ହୋଇଛନ୍ତି।

ତାଙ୍କୁ ଆମ୍ବୁଲାନ୍ସ ଯୋଗେ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟ ରେ ଭର୍ତ୍ତି କରାଯାଇଛି।ଏହାପରେ ଉକ୍ତ କାର ଡ୍ରାଇଭର ଉଦ୍ଧବ ଙ୍କୁ କନ୍ଦେଇପଶି ନିକଟରେ ଧକା ଦେଇଥିଲେ। ଉଦ୍ଧବ ପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି ହୋଇଛନ୍ତି। ସିରଜ ଦୁର୍ଘଟଣା ଘଟାଇ ଫେରାର ହେଇ ଯାଉଥିବା କାର କୁ ପେଟ୍ରୋଲ ପମ୍ପ ନିକଟରେ ଲୋକେ ଅଟକ ରଖି ପଲିସ ର ଜିମା ଦେଇଥିଲେ ଗାଡି ଚଲାଉ ଥିବା ଡ୍ରାଇଭର ଜଣଙ୍କ ପ୍ରବଳ ମଦ୍ୟପାନ କରିଥିବା ରୁ ଏହି ଦୁର୍ଘଟଣା ଘଟିଥିଲା ତୁରୁମୁଙ୍ଗା ପୋଲିସ ଦୁର୍ଘଟଣାଗ୍ରସ୍ତ ଗାଡ଼କୁ ଜବତ କରି ଡ୍ରାଇଭରକୁ ଅଟକ ରଖିଛି।