ଶିମଲା: ହିମାଚଳ ପ୍ରଦେଶରେ ଭୀଷଣ ବର୍ଷା ଯୋଗୁ ୧୦ ଜଣଙ୍କର ମୃତ୍ୟୁ ଘଟିଛି। ବର୍ତ୍ତମାନ ସୁଦ୍ଧା ୧୨ଜଣ ନିଖୋଜ ଅଛନ୍ତି। ଏନେଇ ବିପର୍ଯ୍ୟୟ ପରିଚାଳନା କର୍ତୃପକ୍ଷ ପକ୍ଷରୁ ସୂଚନା ଜାରି କରାଯାଇଛି। ଏଥିସହିତ ରାଜ୍ୟରେ ଗତ ୧୩୦ ଦିନରେ ହୋଇଥିବା ବର୍ଷା ଯୋଗୁ ୧୩୦ ଜଣଙ୍କର ମୃତ୍ୟୁ ଘଟଥିବାବେଳେ ୮୫୭ଟି ଘର ଓ ୭୦୦ ଗୌଶାଳା ମଧ୍ୟ ନଷ୍ଟ ହୋଇଛି।
ସୂଚନାଯୋଗ୍ୟ, ରାଜ୍ୟରେ ପ୍ରବଳ ବର୍ଷା ଯୋଗୁ ୧,୧୦୮ କୋଟି ସମ୍ପତ୍ତିର କ୍ଷୟକ୍ଷତି ଘଟିଛି। ଏଥିରେ କୃଷି ଓ ବଗିଚା କ୍ଷେତ୍ରର ପାଖାପାଖି ୭୪୫ କୋଟି କ୍ଷତି ହୋଇଛି। ବର୍ଷାକୁ ଦୃଷ୍ଟିରେ ରଖି ୧୨୩ଟି ସଡ଼କକୁ ବନ୍ଦ କରି ଦିଆଯାଇଛି।
