ଝାରସୁଗଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲାରେ ପୁଣି ୧୧୧ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ସମ୍ପୃକ୍ତ ଆକ୍ରାନ୍ତଙ୍କ ମଧ୍ୟରେ ଝାରସୁଗୁଡ଼ା ପୌରପରିଷଦ ଅଂଚଳରୁ ୬୮ଜଣ, ବ୍ରଜରାଜନଗର ପୌରପରଷଦ ଅଂଚଳରୁ ୨୭ଜଣ, ଝାରସୁଗୁଡ଼ା ବ୍ଲକରୁ ୭ଜଣ, ଲଖନପୁର ବ୍ଲକ ଅଂଚଳରୁ ୪ଜଣ, କୋଲାବିରା ବ୍ଲକ ଅଂଚଳରୁ ୨ଜଣ ରହିଛନ୍ତି। ଏମାନଙ୍କ ମଧ୍ୟରେ ୧୦୮ଜଣ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସି ଗୃହ ସଙ୍ଗରୋଧରେ ଥିବାବେଳେ ଅନ୍ୟ ୩ଜଣ ଭିମସାର ବୁର୍ଲା ଏବଂ ଭୁବନେଶ୍ୱରସ୍ଥିତ ଘରୋଇ ହସ୍ପିଟାଲରେ ପଜିଟିଭ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି ।
ପ୍ରକାଶଯୋଗ୍ୟ ଯେ, ଜିଲ୍ଲାରେ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା ୨,୯୨୬କୁ ବୃଦ୍ଧି ପାଇଛି। ସେଥିମଧ୍ୟରୁ ୨,୦୫୯ ଜଣ ସୁସ୍ଥ ହୋଇଛନ୍ତି ଓ ୮୬୬ ଜଣଙ୍କ ଚିକିତ୍ସା ଜାରି ରହିଛି।
