ଝାରସୁଗୁଡ଼ା,ଏନ୍ଏନ୍ଏସ୍: ମାଟ୍ରିକ ପରୀକ୍ଷା ଦେବାକୁ ଯାଉଥିବା ବେଳେ ଘଟିଲା ଅଘଟଣ। ପରୀକ୍ଷା ଦେବାକୁ ଯାଉଥିବା ବେଳେ ସାଇକେଲରୁ ପଡ଼ି ଜଣେ ଛାତ୍ରର ମୃତ୍ୟୁ ହୋଇଛି। ମୃତ ଛାତ୍ର ଜଣଙ୍କ କିର୍ମିରା ବ୍ଲକ ଭଉରା ସ୍କୁଲର ଈଶ୍ୱର ରୋହିଦାସ। ସୂଚନା ଅନୁସାରେ ସୋମବାର ସକାଳେ ଈଶ୍ୱର ବାଗଡ଼ିହି ହାଇସ୍କୁଲକୁ ପରୀକ୍ଷା ଦେବାକୁ ଯାଉଥିବା ବେଳେ ଭଉରା ସ୍କୁଲ ସମ୍ମୁଖରେ ପଡି ଯାଇଥିଲେ। ସ୍ଥାନୀୟ ଲୋକେ ଆମ୍ବୁଲାନ୍ସ ସେବା ପାଇଁ ଫୋନ କରି ଥିଲେ ମଧ୍ୟ ଏହା ଆସିବାରେ ୨ଘଣ୍ଟା ବିଳମ୍ବ ହେବାରୁ ସେଠାରେ ପିଲାର ମୃତ୍ୟୁ ହୋଇଥିବା ପରିବାର ପକ୍ଷଣୁ ଅଭିଯୋଗ ହୋଇଛି।
