ପୁରୀ,ଏନ୍ଏନ୍ଏସ୍: ରାଜ୍ୟରେ ଥମିବାର ନା ଧରୁନି ଧଳା ଜହର କାରବାର। ପ୍ରତିଦିନ ପୁଳା ପୁଳା ଧଳା ଜହର ରାଜ୍ୟର ବିଭିନ୍ନ ସ୍ଥାନରୁ ଜବତ ହେଉଛି। ପୁରୀ ଚନ୍ଦନପୁର ପୋଲିସ ଆଜି ୧୦ ଲକ୍ଷ ଟଙ୍କାର ବ୍ରାଉନ ସୁଗାର ଜବତ କରିଛି। ଏହି କାରବାରରେ ସମ୍ପୃକ୍ତ ଅଭିଯୁକ୍ତକୁ ପୋଲିସ ଗିରଫ ମଧ୍ୟ କରିଛି। ଗିରଫ ଅଭିଯୁକ୍ତ ହେଲେ ଭୀମସେନ ପ୍ରଧାନ।
ସୂଚନା ଅନୁସାରେ, ଅଭିଯୁକ୍ତ ଭୀମସେନା ପ୍ରଧାନକୁ ପୁରୀ ଏସଡିପିଓ କିଶୋର ଚନ୍ଦ୍ର ବ୍ରହ୍ମପୁର ଥାନା ଆଳିପୁଟ ଗାଁରୁ ଗିରଫ କରାଯାଇଛି। ଭୀମସେନ ନିକଟରୁ ୧୧୦ ଗ୍ରାମର ବ୍ରାଉନ ସୁଗାର ଓ ନଗଦ ୫୧୫୦ ଟଙ୍କା, ମୋବାଇଲ ଫୋନ ଓ ଏକ ବାଇକ ଜବତ କରାଯାଇଛି।
ଏନେଇ ଚନ୍ଦନପୁର ଥାନାରେ ଏକ ମାମଲା ରୁଜୁ କରାଯାଇଛି। ଏହାସହିତ ପୁରୀ ଜିଲ୍ଲାରେ ବ୍ରାଉନସୁଗାର କାରବାରକୁ ମୂଳପୋଛ କରିବା ପାଇଁ ଏସପି କେଭଇ ସିଂହଙ୍କ ନିର୍ଦ୍ଦେଶରେ ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରାଯାଇଛି। ନିକଟରେ ପୁରୀରୁ ପ୍ରାୟ ୧ କୋଚିରୁ ଅଧିକ ଟଙ୍କାର ବ୍ରାଉନ ସୁଗାର ଜବତ କରାଯାଇଛି।
