ଭୁବନେଶ୍ୱର,ଏନ୍ଏନ୍ଏସ୍: କରୋନା ଯୋଗୁ ବନ୍ଦ ରହିଥିବା ମୁମ୍ବାଇ ଲୋକାଲ ଟ୍ରେନ ସେବା ଆଜିଠାରୁ ଆରମ୍ଭ ହୋଇଛି। ଚର୍ଚ୍ଚଗେଟରୁ ବିରାରକୁ ପ୍ରଥମ ଟ୍ରେନ ସକାଳ ୫ଟା ୩୦ରେ ଛାଡ଼ିଥିଲା। କିନ୍ତୁ କେବଳ ଜରୁରୀ ସେବା ସହିତ ଜଡ଼ିତ ଯାତ୍ରୀ ହିଁ ଏହି ଟ୍ରେନରେ ଯାତ୍ରା କରିପାରିବେ। ଏହି ଟ୍ରେନ ୧୫ ମିନିଟ ଅନ୍ତରାଳ ସହ ସକାଳ ୫ଟା ୩୦ରୁ ରାତି ୧୧.୩୦ ପର୍ଯ୍ୟନ୍ତ ଚାଲିବ। ଏତଦବ୍ୟତୀତ ପରିଚୟ ପତ୍ର ଦେଖାଇବା ପରେ ହିଁ ଯାତ୍ରୀଙ୍କୁ ଷ୍ଟେସନ ପରିସରକୁ ପ୍ରବେଶ କରିବାକୁ ଦିଆଯିବ।
ସୂଚନାଯୋଗ୍ୟ, ଦେଶରେ ମହାରାଷ୍ଟ୍ର କରୋନାରେ ସବୁଠୁ ଅଧିକ ପ୍ରଭାବିତ ହୋଇଛି। ଏଠାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧ଲକ୍ଷ ୭ହଜାର ୯୫୮ ହୋଇଥିବାବେଳେ ୩ହଜାର ୯୫୦ଜଣଙ୍କର ମୃତ୍ୟୁ ଘଟିଛି।
