ଶ୍ରୀକାକୁଲମ୍,ଏଜେନ୍ସି: ଆନ୍ଧ୍ରପ୍ରଦେଶର ଶ୍ରୀକାକୁଲମ୍ ଜିଲ୍ଲା ଅନ୍ତର୍ଗତ ପାଇଦିଭିମବରମ୍ ଠାରେ ରବିବାର ସକାଳେ ଏକ ଟକ୍ର ସହ ବସ୍ ଧକ୍କା ହୋଇଥିବା ଜଣାଯାଇଛି। ଏହି ପରିପ୍ରେକ୍ଷୀରେ ସମ୍ପୂର୍ଣ୍ଣ ବସଟିରେ ନିଆଁ ଲାଗିଯାଇଛି। ସୂଚନା ଅନୁସାରେ ରବିବାର ଭୋରରୁ ଏକ ଟୁରିଷ୍ଟ ବସ୍ ଉତ୍ତରାଖଣ୍ଡର ଶ୍ରୀକାକୁଲମର ପାଇଦିଭିମବରମ୍ ଠାରେ ଏକ ଠିଆ ହୋଇଥିବା ଟ୍ରକକୁ ଧକ୍କା ଦେଇଥିଲା। ଫଳରେ ବସରେ ନିଆଁ ଲାଗିଯାଇଥିଲା। ପରେ ଯାତ୍ରୀମାନେ ତୁରନ୍ତ ବସ୍ରୁ ବାହାରି ଆସିଥିଲେ। ଏହି ପରିପ୍ରେକ୍ଷୀରେ ବସରେ ଥିବା ଯାତ୍ରୀମାନଙ୍କ ମଧ୍ୟରୁ ୧୮ଜଣ ଆହତ ହୋଇଯାଇଛନ୍ତି।
ଘଟଣାସ୍ଥଳରେ ପୁଲିସ ଓ ଦମକଳବାହିନୀ ପହଞ୍ଚି ଆହତ ମାନଙ୍କୁ ହସ୍ପିଟାଲକୁ ନେବା ସହିତ ନିଆଁ ଲିଭାଇଥିଲେ। ସେଠାରୁ ସେମାନଙ୍କୁ ବିଜୟନଗ୍ରମ୍ ଏବଂ ବିଶାଖାପାଟଣାର ଡାକ୍ତରଖାନାରେ ଭର୍ତ୍ତି କରାଯାଇଛି। ରିଲିଫ୍ ଦାୟିତ୍ୱ ବହନ କରି ଘଟଣା ସମ୍ପର୍କରେ ପର୍ୟ୍ୟଟକମାନଙ୍କ ପରିବାରକୁ ସୂଚନା ଦେବା ନିମନ୍ତେ ଆନ୍ଧ୍ରପ୍ରଦେଶର ସଡ଼କ ଓ ଗୃହ ନିର୍ମାଣ ମନ୍ତ୍ରୀ ଧର୍ମନା କୃଷ୍ଣଦାସ ଶ୍ରୀକାକୁଲମ୍ ପୁଲିସ ସୁପରିଣ୍ଟେଣ୍ଡେଣ୍ଟ୍ ଆର୍ଏନ୍ ଅମ୍ମି ରେଡ୍ଡୀଙ୍କୁ ନିର୍ଦ୍ଦେଶ ଦେଇଛନ୍ତି।
