ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ଜିଲ୍ଲାରେ ପୁଣି ୫୫ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ଝାରସୁଗୁଡ଼ା ପୌରପରିଷଦ ଅଞ୍ଚଳରୁ ୧୭ଜଣ, ବେଲପାହାଡ଼ ପୌରପରିଷଦ ଅଞ୍ଚଳରୁ ୭ଜଣ, ବ୍ରଜରାଜନଗର ପୌରପରିଷଦ ଅଞ୍ଚଳ ଓ କିର୍ମିରା ବ୍ଲକରୁ ୩ଜଣ ଲେଖାଏଁ, ଲଇକେରା ବ୍ଲକ ଓ ଝାରସୁଗଡ଼ା ବ୍ଲକରୁ ୨ଜଣ ଲେଖାଏଁ, ଲଖନପୁର ବ୍ଲକ ଅଞ୍ଚଳରୁ ୬ଜଣ ଓ କୋଲାବିରା ବ୍ଲକରୁ ୧୩ଜଣ ରହିଛନ୍ତି । ଏହି ଆକ୍ରାନ୍ତମାନେ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସି ଗୃହ ସଙ୍ଗରୋଧରେ ଥିବାବେଳେ ପଜିଟିଭ ଚିହ୍ନଟ ହୋଇଛନ୍ତି। ସେହିପରି ଜିଲ୍ଲାର ଆଉ ୨ଜଣ ଆକ୍ରାନ୍ତ ବାହର ଜିଲ୍ଲାର ହସ୍ପିଟାଲରେ ପଜିଟିଭ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି।
ସୂଚନାଯୋଗ୍ୟ, ଜିଲ୍ଲାରେ ବର୍ତ୍ତମାନ ସୁଦ୍ଧା ମୋଟ ଆକ୍ରାନ୍ତଙ୍କ ସଂଖ୍ୟା ୫,୬୫୯ ହୋଇଥିବାବେଳେ ୫,୧୧୯ ଜଣ ସୁସ୍ଥ ହୋଇଛନ୍ତି ଓ ୫୫୩ ଜଣଙ୍କ ଚିକିତ୍ସା ଜାରି ରହିଛି।
