ବାଲିଗୁଡା,ଏନ୍ଏନ୍ଏସ୍ : .କନ୍ଧମାଳ ଜିଲ୍ଲା କୋଟଗଡ ବ୍ଲକର ଉପାନ୍ତ ଅଞ୍ଚଳରେ ବସବାସ କରୁଥିବା ଗରିବ ଆଦିବାସୀ ଲୋକମାନଙ୍କ ପାଖରେ ପହଞ୍ଚି ସେମାନଙ୍କୁ କମ୍ବଳ ବାଣ୍ଟିଛନ୍ତି ଶିକ୍ଷକ ବୁଲୁ ମଲ୍ଲିକ।
ସୂଚନା ଅନୁଯାୟୀ, ଶିକ୍ଷକ ଶ୍ରୀ ମଲ୍ଲିକ କିଛି ସରକାରୀ କର୍ମଚାରୀ ମାନଙ୍କୁ ନେଇ ଏକ ଗଠନ କରିବା ସହ ଦିନରେ ଦୁର୍ଗମ ଅଞ୍ଚଳକୁ ଯାଇ ଲୋକଙ୍କ ସୁଖ ଦୁଃଖ ରେ ସାଥି ହୋଇଥାନ୍ତି। ଏହି ବ୍ଲକ ଅନ୍ତର୍ଗତ ମଦାଗୁଡା ଗ୍ରାମ ପଞ୍ଚାୟତର ଦୁର୍ଗମ ସୂତାଘାଟି ଗ୍ରାମରେ ବସବାସ କରୁଥିବା ଲୋକଙ୍କୁ ନିଜ ଦରମା ଟଙ୍କାରେ ଶୀତବସ୍ତ୍ର ବାଣ୍ଟିଛନ୍ତି।
ଶୀତ ଦିନରେ ଉକ୍ତ ଅଞ୍ଚଳରେ ପ୍ରବଳ ଶୀତ ଅନୁଭୂତ ହୁଏ। ପ୍ରଶାସନ ପକ୍ଷରୁ କମ୍ବଳ ପହଞ୍ଚିବା ଆଗରୁ ଶିକ୍ଷକ ଉକ୍ତ ଅଞ୍ଚଳରେ କମ୍ବଳ ବାଣ୍ଟିଥିଲେ। ଶିକ୍ଷକଙ୍କର ଏହି ଭଳି କାର୍ୟ୍ୟକୁ ସାଧାରଣ ଲୋକେ ସାଧୁବାଦ ଜଣାଇଛନ୍ତି। ଗରିବଙ୍କ ମୁହଁରେ ହସ ଫୁଟାଇ ପାରିଲେ ମୋତେ ଆତ୍ମ ସନ୍ତୋଷ ମିଳେ ବୋଲି କହିଛନ୍ତି ଶ୍ରୀ ମାଲିକ।
